“Finiks Sans” komandasının iki ulduzu – Devin Buker və Kevin Dürantın Monako barlarının birində əyləndiyi ortaya çıxıb. Yayılan şəkildə onların yanında Neymar da olub.
Qeyd edək ki, hazırda MBA-da yay fasiləsidir. Braziliyalı futbolçu isə mövsümün başlamasına baxmayaraq, əylənməsini davam etdirir.
Xatırladaq ki, Neymar Səudiyyə Ərəbistanının “Əl-Hilal” komandası ilə razılığa gəlib. İki illik müqavilənin şərtlərinə görə o, yarımadada 160 milyon avro qazanacaq.
Neymar 2017-ci ildən PSJ-də çıxış edir. Onun 2025-ci ilə qədər Paris klubu ilə müqaviləsi var. Ötən mövsüm forvard meydana çıxdığı 29 oyunda 18 qol vurmuş və 16 assist etmişdi.
“Finiks Sans” isə keçən mövsümü ¼ finalda bitirmişdi. Həmin mərhələdə komanda gələcək çempion “Denver Naggets”ə 2:4 hesabı ilə məğlub olmuşdu.