“Qarabağ” 3-cü dəfə İsveç komandası ilə üz-üzə gələcək. Əvvəlki iki dueldə cütün qalibi olaraq mərhələ adlayan ağdamlılar bu dəfə qrup mərhələsində qələbə qazanmağa çalışacaq.
Futbolinfo.az xəbər verir ki, “Haken” ilk dəfə klublarımıza rəqib olur. Daha öncə isə “Gefle”, “Helsinqborq”, “Höteborq” və “Elfsborq”u Bakıda görmüşük. “Qarabağ” qarşılaşdığı komandaların hər ikisindən üstün olub.
Ağdamlıların 2013-cü ildə Avropa Liqasında üz-üzə gəldiyi “Gefle” Bakıda 1, öz meydanında 2 cavabsız qolla məğlub olmuşdu. 2016-cı ildə isə eyni yarışda bu dəfə “Höteborq” “Qarabağ”ın önünə çıxmışdı. İsveçdə 1:0 hesabına sevinən rəqib Bakıda 3 cavabsız qolla darmadağın olmuşdu.