Avro-2024-ün seçmə mərhələsi çərçivəsində noyabrın 19-da, Brüssel şəhərindəki “King Baudouin Stadium”da keçiriləcək Belçika – Azərbaycan oyunu öncəsi təşkil olunacaq mətbuat konfranslarının və mətbuat üçün açıq məşqlərin vaxtı məlum olub.
Futbolinfo.az xəbər verir ki, jurnalistlər qarşısına öncə Belçika millisinin baş məşqçisi Domeniko Tedesko çıxacaq. Mətbuat konfransı saat 15:00-da başlayacaq.
Azərbaycan yığmasının baş məşqçisi Canni de Byazinin mətbuat konfransı isə Bakı vaxtı ilə 20:30-da olacaq.
Xatırladaq ki, Belçika – Azərbaycan matçı sabah 21:00-da start götürəcək.