Los-Anceles şəhərinin “Cripto.com” arenasında MBA-nın daxili çempionat üzrə görüşü keçirilib. Alperen Şengünün çıxış etdiyi “Hyuston Rokets” yerli “Klippers”in qonağı olub.
Ulduz basketbolçu Ceyms Hardenin gəlişindən sonra uğursuzluğa düçar olan Los-Anceles təmsilçisi məğlubiyyət seriyasını qırıb – 106:100. Bu, eyni zamanda “Rokets”in də qələbə seriyasının başa çatması olub.
Türkiyəli basketbolçu Alperen Şengün komandasının ən məhsuldar oyunçusu olub. O, görüşü 23 xalla tamamlayıb. Meydan sahiblərinin heyətində Leonard 26, Harden 24, Corc isə 23 xal toplayıb.
Gecənin digər maraqlı hadisələri kimi “Los-Anceles Leykers”in Portlenddə qələbəsini qeyd etmək olar. Lebron Ceyms görüşdə 35 xal yığıb. Nikola Yokiçin tripl-dabl etməsinə baxmayaraq, “Naggets” Nyu-Orleanda məğlub olub.