AFFA İcraiyyə Komitəsi yaxın iki gün ərzində toplaşacaq. Qurum milli komandanın baş məşqçisi Canni de Byazi ilə bağlı yekun qərarı açıqlayacaq.
Futbolinfo.az xəbər verir ki, müqavilə müddəti başa çatan italiyalı ilə yolların ayrılacağı dəqiqdir. Sadəcə, anlaşmanın uzadılmaması ilə bağlı İcraiyyə Komitəsinin rəsmi qərarı olmalıdır. Daha öncə isə de Byazinn hesabatı dinlənilməlidir.
Məşqçinin uğursuzluğu, xüsusilə də mətbuat nümayəndələri barədə son açıqlamaları onun gedişini sürətləndirdi. De Byazinin xələfinin seçimi üçün isə yəqin ki, bir müddət gözləmək lazım gələcək.