Lionel Messi A Seriyasında oynaya bilərmiş. “Milan” argentinalı ulduzun transferi üçün xeyli çalışıb, amma sonda keçid baş tutmayıb.
Futbolinfo.az xəbər verir ki, bu barədə İtalia klubunun sabiq idman direktoru Paolo Maldini danışıb: “Messini transfer etməyə çalışdıq. Onu heyətə qatmağı çox istəyirdim. Amma 10 günlük danışıqlardan sonra bunun mümkünsüz olduğunu anladıq. Əla oyunçudur, təəssüf ki, o başqa yerə getdi”.
Xatırladaq ki, Messi yaydaPSJ-ni tərk etdi. Onun Avropada qalmaq üçün bir neçə şansı olsa da, argentinalı “İnter Mayami”yə yollanmağı lazım bildi.