2024-cü il Olimpiya Oyunlarının basketbol üzrə seçmə turnirlərinin püşkatma mərasimi keçirilib. 24 milli komandanın qrupları müəyyənləşib.
2024-cü il iyulun 2-dən 7-dək Pirey, Riqa, San Xuan və Valensiya şəhərlərində keçiriləcək turnirlərə Yunanıstan, Latviya, Puerto-Riko və İspaniya ev sahibliyi edəcək.
24 komanda 4 müxtəlif turnirə bölünür, onların hər birində iki qrup olacaq. Qrup qalibləri dairəvi sistemlə keçirilən oyunlardan sonra müəyyən ediləcək. Ardınca da onlar bir-biri ilə görüşərək Parisə vəsiqəni müəyyənləşdirəcək.
Xatırladaq ki, Fransa, Avstraliya, Yaponiya, Cənubi Sudan, Kanada, ABŞ, Almaniya və Serbiya artıq Olimpiadaya vəsiqə qazanıb.
Beləliklə, püşkatmanın nəticələri belədir:
Pirey (Yunanıstan)
A qrupu: Sloveniya, Yeni Zelandiya, Xorvatiya.
B qrupu: Yunanıstan, Dominikan Respublikası, Misir.
Riqa (Latviya)
A qrupu: Gürcüstan, Filippin, Latviya.
B qrupu: Braziliya, Kamerun, Monteneqro.
San Xuan (Puerto Riko)
A qrupu: Meksika, Kot d`İvuar, Litva.
B qrupu: İtaliya, Puerto-Riko, Bəhreyn.
Valensiya (İspaniya)
A qrupu: Livan, Anqola, İspaniya.
B qrupu: Finlandiya, Polşa, Baham adaları.