“Qəbələ”nin baş məşqçisi Elmar Baxşıyev Premyer Liqanın 15-ci turu çərçivəsində “Qarabağ”a qarşı keçirdikləri oyundan sonra fikirlərini bölüşüb.
Futbolinfo.az xəbər verir ki, o, 0:3 hesabıyla uduzduqları matçdan sonra baş tutan mətbuat konfransında bunları söyləyib:
“Bizim üçün ağır oyun oldu. İstədiyimizi tam göstərə bilmədik. Komandamdan dinamika gözləyirdim. “Qarabağ” imkanlar yaratmadı. Epizodları dəyərləndirə bilmədik. Səviyyə fərqi ortadadır. “Qarabağ” layiqli qələbə qazandı.
Çempionatımızda hər bir rəqibdən xal almaq mümkündür. hər xal bizim üçün çox vacibdir”.