“Liverpul”un sabiq müdafiəçisi Ceymi Karrager mersisaydlıların təcili transferlər etməli olduğunu düşünür. Hazırda şərhi işləyən 45 yaşlı futbol adamı xüsusilə iki mövqedə problem görür.
Futbolinfo.az xəbər verir ki, 2013-cü ildə bütün karyerasını həsr etdiyi “Liverpul”la vidalaşan Karrager deyib: “Komandada Sadio Mane və Roberto Firminyonun yeri görünür. Hər nə qədər transfer edilsə də, bu futbolçuların yeri sanki boş qalıb. Onların profilinə uyğun furbolçular lazımdır”.
Ceymi onları əvəz etməyə gətirilənlərin ümidi doğrultmadığını düşünür: “Kodi Qakpo artıq bir ildir “Enfild”ə gəlib. Amma özünü sübut etməyi bacarmır. Darvin Nunyes qeyri-sabit çıxış edir, tez-tez uğursuz matçları olur. Luis Dias ağır zədədən sonra hələ də özünə gələ, əvvəlki formasına qovuşa bilmədi. Məhəmməd Salah yüksək səviyyədə oynamağa davam etməsəydi, “Liverpul” indi liderlər qrupunda olmazdı. Misirli tükənən kimi komandanın nəticələri pisləşəcək. Ona görə də qışda yebi oyunçular alınmalıdır”.