Əfsanəvi alman pilot Mixael Şumaxer 10 illik fasilədən sonra insanların arasına çıxa bilər. 2013-cü ilin dekabrında xizək sürərkən aldığı xəsarətdən sonra komaya düşən idmançını həkimlər və ailəsindən başqa kimsə görməyib.
İtaliya mətbuatının yaydığı məlumata görə, yayda Şumaxerin qızı Cina-Mariyanın nikah mərasimi olacaq. Onun Yan Beltke ilə nikahı İspaniyanın Malyorka şəhərində baş tutacaq. Bu şəhərdə Şumaxerin şəxsi iqamətgahı var. Deyilənə görə, Mixael son vaxtlar orada müalicə olunur. Nikahın Malyorkada keçirilməsi Şumaxerin mərasimdə iştirak edəcəyindən xəbər verir.
Məlumata görə, mərasimdə gücləndirilmiş mühafizə xidməti olacaq. Yad insanlar və mətbuatın girişinə imkan verilməyəcək.