“Real” La Liqanın 24-cü turunun matçında “Jirona”nı darmadağın edib (4:0). Madridlilər bu qələbə ilə zirvədə yerini daha da möhkəmlədib.
Karlo Ançelottinin yetirmələri bu mövsüm ölkə çempionatında 24 oyunda 19 qələbə qazanıb, 4 heç-heçə edib və 1 məğlubiyyətlə üzləşib. Bu, italiyalı mütəxəssisin ölkə çempionatlarında ən yaxşı nəticəsinin təkrarıdır. 24 turdan sonra Ançelotti 2003/04 mövsümündə “Milan” ilə A Seriyasında oxşar nəticə əldə edib.
Qeyd edək ki, “Real” 61 xalla La Liqada 1-ci pillədə qərarlaşıb.