Parisdə 2024-cü il Olimpiadası üçün tikilən Olimpiya kəndi rəsmi açılışını edib və ilk idmançıları qarşılayıb. Bu barədə AFP məlumat yayıb.
Olimpiya kəndi təxminən 14,5 min nəfər üçün nəzərdə tutulub. Burada 9 min idmançı, 4 min heyət üzvü və 1,5 min könüllünün yaşayacağı gözlənilir.
Kənd ümumilikdə 3 min mənzilli və 7,2 min otaqlı 82 binadan ibarətdir.
Xatırladaq ki, Olimpiada iyulun 26-dan avqustun 11-dək keçiriləcək. Onlar başa çatdıqdan sonra Olimpiya kəndi yeni mikrorayona çevriləcək.