“Böyük dəbilqə” seriyalı turnirlərin 24 qat qalibi, serb tennisçi Novak Cokoviç 2024-cü ildə Parisdə keçiriləcək Olimpiya Oyunlarına hazırlığın görüntülərini paylaşıb.
“Biz Olimpiya oyunlarına hazırlaşırıq. Mənimlə kim birlikdə məşq etmək istəyir?” – deyə Cokoviç sosial şəbəkə səhifəsində yazıb.
Xatırladaq ki, serbiyalı idmançı Monteneqroda torpaq kortlarda hazırlıq keçir. O, bir neçə gün əvvəl cütlüklərdə dünyanın 129-cu raketkası, isveçli tennisçi Filip Bergevi ilə məşq edib.
Qeyd edək ki, serb tennisçinin karyerasında yalnız olimpiya çempionluğu yoxdur. O, 2008-ci il Olimpiadasında bürünc medal qazanıb.
