Konfrans Liqasının 2-ci təsnifat mərhələsi çərçivəsində iyulun 25-də keçiriləcək “Sumqayıt” – “Fehervar” oyununun bilet satışı davam edir.
Futbolinfo.az klubun mətbuat xidmətinə istinadən xəbər verir ki, Sumqayıtda baş tutacaq qarşılaşma üçün indiyə qədər 4600 bilet satılıb.
Azarkeşlər iTicket.az və 1 saylı Sumqayıt ASAN Xidmət mərkəzi ilə yanaşı, dünəndən etibarən Mehdi Hüseynzadə adına stadionun kassasından da bilet əldə edə bilərlər.
Qeyd edək ki, “Sumqayıt” – “Fehervar” matçı saat 20:00-da başlayacaq.