Keçmiş MBA oyunçusu Cordan Nvora Avroliqada debüt edəcək.
Yüngül forvard (25 yaş, 206 sm) “Anadolu Efes”lə 1+1 sxemi ilə müqavilə imzalayıb.
Nvora 2020-ci ildən MBA-da Miluoki, İndiana və Toronto komandalarının şərəfini qoruyub.
Ötən mövsüm Cordan “Toronto Reptors”un heyətində 34 oyuna çıxıb. Onun orta göstəriciləri 7,9 xal, 3,4 ribaund və 1,3 məhsuldar ötürmə təşkil edib.
İstanbulun digər nəhəngi də heyətinə yeni oyunçu qatıb. Luka Şamaniç karyerasını “Fənərbağça”da davam etdirəcək.
Xorvatiyalı forvard (24 yaş, 208 sm) Türkiyə klubu ilə 1 illik müqavilə imzalayıb.
Şamaniç, 2019-cu il draftında “San Antonio Spörs” tərəfindən 19-cu seçilmişdi.
Ötən mövsüm forvard “Yuta”da çıxış edib və 43 oyunda meydançaya çıxıb.