“Konfrans Liqasının pley-off mərhələsinə vəsiqə qazanmaq istəyirik”.
Futbolinfo.az xəbər verir ki, bunu “Sabah” klubunun futbolçusu Pavol Şafranko Konfrans Liqasının 3-cü təsnifat mərhələsinin “Sent Patriks Atletik”lə (İrlandiya) cavab matçından öncə mətbuat konfransında deyib.
“Komanda daxilində ab-hava çox yaxşıdı. Kollektivdə hər kəs bir-birinə inanır. Sabah azarkeşlərimizin də dəstəyi ilə qələbə qazanacağımıza inanırıq. Hər görüşə qalibiyyət əzmi ilə çıxırıq. Konfrans Liqasının pley-off mərhələsinə vəsiqə qazanmaq istəyirik”.
“Sabah” – “Sent Patriks Atletik” matçı avqustun 15-də, saat 20:00-da “Bank Respublika Arena”da keçiriləcək. İlk oyunda İrlandiya təmsilçisi 1:0 hesablı qələbə qazanıb.