UEFA Çempionlar Liqasında pley-off mərhələsinə yekun vurulub.
Futbolinfo.az saytı xəbər verir ki, dünən keçirilən oyunlardan sonra UEFA reytinqində bəzi dəyişikliklər olub. Ancaq Azərbaycan 26-cı pillədə qalıb. Buna səbəb “Qarabağ”ın cavab qarşılaşmasında Zaqreb “Dinamo”suna evdə 0:2 hesablı məğlubiyyəti olub. Nəticədə ölkəmiz 18,875 əmsalda qalıb. Cari mövsümdəki ümumi qazanc isə 2,125 əmsaldır.
Keçirilən oyunlardan sonra Avstriya, İsveçrə, Serbiya, Slovakiya irəliləyib, İsrail, Danimarka, Yunanıstan, Şotlandiya, Ukrayna, Macarıstan və İsveç geriləyib.
UEFA reytinqinə 89,303 əmsalla İngiltərə başçılıq edir.