Füzulidə şahmat üzrə rayon turniri keçirilib.
Yarış Qarabağ Regional Gənclər və İdman İdarəsinin Füzuli rayon üzrə Gənclər və İdman sektorunun təşkilaçılığı ilə baş tutub. Məktəblilər arasında keçirilən yarışda 16 iti zəka sahibi qalib adı uğrunda mübarizə aparıb. Yarışın təşkilində əsas məqsəd şahmat idman növünün inkişafı və şahmatçılar arasında sağlam həyat tərzinin təbliği olunmasından ibarətdir.
Olimpiya sistemi üzrə keçirilən turnirdə ilk üç yeri tutan şahmatçılara Uşaq Gənclər İdman Şahmat Məktəbinin diplom və medalları təqdim olunub.
BƏHRUZ MUSAYEV