“Qarabağ” Avropa Liqasında həlledici oyun üçün səfərbər olub. 6-cı turda İsveçdə “Elfsborq”la qarşılaşacaq komanda bu gün səfərə çıxır.
Dekabrın dekabrın 12-si saat 00.00-da meydana çıxacaq təmsilçimiz yenə çarter reysindən istifadə edəcək. Matçın keçiriləcəyi, “Elfsborq”un təmsil etdiyi Buros şəhərində beynəlxalq hava limanı olmadığından “Qarabağ” Höteborqda eniş edəcək. Oradan isə oyunun keçiriləcəyi şəhərə bir saatlıq avtobus yolçuluğu var.
Matçın keçiriləcəyi “Buros-Arena”nın tutumu 16 min 200 nəfərlikdir. “Qarabağ” oyundan bir gün öncə burada son məşqinə çıxacaq.
Əzələ problemi olan Kevin Medina və qasıq yırtığından əməliyyat olunan Aleksey İsayev komandaya kömək edə bilməyəcək. Digər futbolçular isə matça hazırdır.