MBA kuboku ilə əlaqədar müntəzəm çempionatda bu gecə cəmi 3 oyun baş tutub.
Son çempion “Boston Seltiks” keçən ilin ən zəif komandası “Detroyt Pistons”u qəbul edib. Görüş 123:99 hesabı ilə meydan sahiblərinin qələbəsi ilə başa çatıb. Bu oyunda komandanın lideri Ceyson Teytum iştirak etməyib.
“Mayami Hit” evdə “Toronto Reptors”u məğlub edib – 114:104. Görüşdə Xirou 23 xal toplayaraq ən məhsuldar olub.
Digər oyunda “Nyu-Orlean Pelikans” ilə “Sakramento Kinqs” qarşılaşıb – 109:111. Oyunun qəhrəmanı Domantas Sabonis olub. Onun aktivində 32 xal və 20 ribaund var.