Ötən gecə Səudiyyə Ərəbistanının paytaxtı Ər-Riyadda boks gecəsi keçirilib.
Maraqla gözlənilən əsas döyüş Aleksandr Usiklə Tayson Fyuri arasında olub. Bu qarşılaşmanın mükafat fondu 190 milyon dollar idi.
WBC, IBO, WBO, WBA (Super) və The Ring versiyaları üzrə dünya çempionu titulu uğrunda 12 raund davam edən döyüş ukraynalı Usikin qələbəsi ilə yekunlaşıb – 116:112. Usik qələbəyə görə təqribən 100 milyon dollar mükafat qazanıb.
Qeyd edək ki, boksçular arasında mayın 18-də Ər-Riyadda keçirilən görüşdə Fyurini məğlub edən Usik mütləq dünya çempionu olub.