Misli Premyer Liqasının geridə qalan ilk yarısında qapılara ümumilikdə 222 qol vurulub.
Futbolinfo.az saytı xəbər verir ki, baş tutan 90 oyun məhsuldarlığı ilə diqqət çəkib. Belə ki, orta hesabla hər matçda 2,46 qol qeydə alınıb.
Ən məhsuldar tur 8-ci tur olub. Həmin turun 5 görüşündə qapılara ümumilikdə 19 top vurulub. 12-ci tur isə kasadlığı ilə diqqət çəkib – 5 qol.
222 qolun 118-i meydan sahiblərinin 104-ü isə qonaqların payına düşüb. Yalnız 3-cü, 5-ci, 7-ci, 10-cu, 12-ci, 14-cü və 16-cı turlarda qonaqlar daha çox qol sevinci yaşayıblar. Digər turlarda isə ev sahibləri azarkeşlərini daha çox sevindiriblər. 6, 8, 13 və 17-ci turlarda meydan sahibləri 5 qolluq fərq yaradıblar ki, bu, onlar üçün ən böyük üstünlükdür. Qonaqların belə üstünlüyü isə 3 və 10-cu turlarda 6 qolluq fərqlə ölçülüb.
Turlar üzrə qollar:
1-ci tur: 16 qol (9-u ev sahibi, 7-si qonaq)
2-ci tur: 9 (6-sı ev sahibi, 3-ü qonaq)
3-cü tur: 10 (2-si ev sahibi, 8-i qonaq)
4-cü tur: 12 (8-i ev sahibi, 4-ü qonaq)
5-ci tur: 11 (4-ü ev sahibi, 7-si qonaq)
6-cı tur: 11 (8-i ev sahibi, 3-ü qonaq)
7-ci tur: 17 (7-si ev sahibi, 10-u qonaq)
8-ci tur: 19 (12-si ev sahibi, 7-si qonaq)
9-cu tur: 13 (8-i ev sahibi, 5-i qonaq)
10-cu tur: 18 (6-sı ev sahibi, 12-si qonaq)
11-ci tur: 9 (6-sı ev sahibi, 3-ü qonaq)
12-ci tur: 5 (2-si ev sahibi, 3-ü qonaq)
13-cü tur: 15 (10-u ev sahibi, 5-i qonaq)
14-cü tur: 13 (5-i ev sahibi, 8-i qonaq)
15-ci tur: 11 (6-sı ev sahibi, 5-i qonaq)
16-cı tur: 15 (6-sı ev sahibi, 9-u qonaq)
17-ci tur: 9 (7-si ev sahibi, 2-si qonaq)
18-ci tur: 9 (6-sı ev sahibi, 3-ü qonaq)