Madrid “Real”nın direktoru Emilio Butrageno 2024-cü il haqqında fikirlərini bildirib və komandanın baş məşqçisi Karlo Ançelotti barədə danışıb.
“Beş titul qazandığımız üçün ili fantastik adlandırmaq olar. Uzun müddətdir ki, klub uğurları sıralayır. Bütün bunlar görülən işlərin düzgün olduğundan xəbər verir. Ançelotti komandanı ən yaxşı şəkildə çıxış etməyə sövq edir. Rəqabət güclüdür, lakin biz tarix yazmağa davam etməyə çalışırıq. Bu bizim DNT-mizdə var. Komandada bu qədər ulduzun olduğunu düzgün saymayanlar var. Amma bu, bizim üçün bir nüfuz məsələsidir. Ançelotti müdrik adamdır və onların hər birindən necə istifadə etməyi bilir”, – deyə Butrageno “Sky Sport Italia”ya müsahibəsində qeyd edib.
2024-cü ildə “Real” Çempionlar Liqası, Qitələrarası Kubok, UEFA Super Kuboku, İspaniya çempionatı və ölkə Superkubokunun qalibi olub.