Dekabrın 26-da “Minnesota Timbervulves” ilə matçda (99:105) baldır əzələsindən zədə alan Luka Donçiç ən azı bir ay komandasına kömək edə bilməyəcək.
“Dallas Maveriks”in liderinin 30 gün sonra təkrar müayinədən keçəcəyi bildirilir. O, ən azı 15 oyunu buraxacaq və mövsümün sonunda MVP mükafatını qazanmaq şansını itirəcək.
Məlumat üçün qeyd edək ki, MBA-nın hazırkı qaydalarına görə, MVP mükafatını almaq üçün basketbolçu ən azı 65 oyun keçirməli və bu matçlarda ən azı 20 dəqiqə meydançada olmalıdır. Donçiç bu mövsüm artıq 8 oyunu buraxıb.
Cari mövsümdə 25 yaşlı basketbolçu 22 matçda iştirak edib. Onun orta statistik göstəriciləri 28,1 xal, 8,3 ribaund və 7,8 məhsuldar ötürmədir.