Kriştianu Ronaldonun çıxış etdiyi “Əl Nəsr” Səudiyyə Ərəbistanının Pro Liqasının 16-cı turu çərçivəsində “Əl Xalic”lə qarşılaşıb. Oyun qonaqların 3:1 hesablı qələbəsi ilə yekunlaşıb.
Portuqaliyalı ulduz bu görüşdə 90 dəqiqə meydanda olub və dubla imza atıb. O, 65-ci və 90+8-ci dəqiqələrdə fərqlənib. Ronaldo bununla qollarının ümumi sayını 919-a çatdırıb.
Qeyd edək ki, 16 oyuna 32 xal yığan “Əl Nəsr” turnir cədvəlinin 3-cü pilləsindədir. “Əl Hilal” 43 xalla birinci, “Əl İttihad” 40 xalla ikincidir.
Ronaldo bu mövsüm “Əl Nəsr”in heyətində bütün turnirlərdə 22 oyuna çıxaraq 19 qol və 3 məhsuldar ötürmə ilə yadda qalıb.