MBA-da bu gecə 7 oyun keçirilib.
Nikola Yokiçin fantastik oyunu “Denver Naggets”ə növbəti qələbəni qazandırıb. Komanda “Sakramento Kinqs”i 132:123 hesabı ilə məğlubiyyətə uğradıb. Yokiçin aktivində 37 xal , 22 ribaund və 17 asist var. Serbiyalı basketbolçu oyunun gedişatında 24 metr məsafədən topu səbətə göndərməyi də bacarıb.
Liqanın iki ən titullu komandasının oyununda Los-Anceles təmsilçisi qələbə qazanıb. “Leykers”in “Boston Seltiks” üzərində qələbəsində Lebron Ceymsi qeyd etmək lazımdır. Veteran basketbolçu görüşdə 20 xal və 14 ribaundla oynayıb.
Digər oyunlar arasında “Miluoki Baks”ın növbəti qələbəsini qeyd etmək olar. Lillardın 35, Yannisin 32 xalı ilə komanda “Mayami Hit”ə qalib gəlib – 125:88.