Bu gün Misli Premyer Liqasında 20-ci tura yekun vurulacaq.
Futbolinfo.az xəbər verir ki, son gündə 2 oyun baş tutacaq.
Öncə “Araz-Naxçıvan” “Neftçi”ni qəbul edəcək. Son turlarda qələbəyə həsrət qalmış komandaların görüşü maraqla gözlənilir.
Lider “Qarabağ” da “Turan Tovuz”u qəbul edəcək. Ağdam klubundan fərqli olaraq, əyalət təmsilçisinin son turlarda işləri qaydasında getmir.
Turun əvvəlki oyunlarında “Şamaxı” “Zirə”yə uduzub (1:2), “Səbail” “Kəpəz”ə qalib gəlib (1:0), “Sabah” – “Sumqayıt” matçı isə qolsuz bitib – 0:0.
Premyer Liqa
20-ci tur
26 yanvar
“Araz-Naxçıvan” – “Neftçi”
Hakimlər: Rauf Cabbarov, Zöhrab Abbasov, Teymur Teymurov, Elvin Bayramov.
“Liv Bona Dea Arena”, 16:00.
“Qarabağ” – “Turan Tovuz”
Hakimlər: Cavid Cəlilov, Müslüm Əliyev, Eyyub İbrahimov, Kamranbəy Rəhimov.
Tofiq Bəhramov adına Respublika Stadionu, 18:30.