"Xəzər Lənkəran"dan ayrılandan sonra klubsuz qalan Elnur Cəfərovun "Qarabağ"a keçəcəyi haqda xəbərlərə Qurban Qurbanov aydınlıq gətirib. Futbolinfo.az xəbər verir ki, U-21 millimizin Antalyadakı toplanışından qayıdarkən Cəfərov özü də "Qarabağ"ın onunla maraqlandığını, karyerasını Ağdam təmsilçisində davam etdirməsinin mümkünlüyünü dilə gətirmişdi.
AZAL-la oyunda sonra jurnalistlərin bu barədə sualına cavab olaraq, Qurban Qurbanov belə deyib: "Elnur Cəfərovla indiyə qədər maraqlanmamışıq. Konkret deyə bilərəm ki, o futbolçunun "Qarabağ"a keçidi gündəmdə deyil".