İyunun 10-da Azərbaycan millisi Avropa Çempionatının seçmə mərhələsi çərçivəsində Şimali İrlandiyanı qəbul edəcək. Futbolinfo.az xəbər verir ki, bu matçın biletlərinin satışa çıxarılacağı vaxt bəlli olub.
Bu haqda məlumatı saytımıza açıqlamasında AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğlu verib: “Şimali İrlandiya ilə matçın biletlərinin onlayn satışı bu gündən başlayacaq. Matça 1 ay qalmış isə biletləri kassadan almaq mümkün olacaq. Biletlərin hansı qiymətə olacağı və satış nöqtələri haqda isə gələcəkdə məlumat verəcəyik”.
Qeyd edək ki, Azərbaycan – Şimali İrlandiya oyunu iyunun 10-u, saat 20:00-da Tofiq Bəhramov adına Respubilka stadionunda start götürəcək.