İspaniyanın “Las Palmas” klubu heyətini yeni futbolçu ilə gücləndirib.
Futbolinfo.az xəbər verir ki, La Liqa təmsilçisi hücumameylli yarımmüdafiəçisi Xayro Samperionu heyətinə qatıb. Bu barədə futbolçu özü sosial şəbəkədə məlumat yayıb. Tərəflər yarım illik müqavilə ilə bağlı razılığa gəliblər. “Las Palmas” isə onu qarşıdakı günlərdə rəsmən təqdim edəcək.
Samperio ispanlara havayı başa gəlib. Belə ki, Almaniyanın “Maynts” klubu ilə müqaviləsinə qarşılıqlı razılıq əsasında xitam verən futbolçu İspaniya klubu ilə azad agent kimi müqavilə imzalayıb.
24 yaşlı ispaniyalı futbolçu karyerası ərzində “Rasinq” və “Sevilya”da da çıxış edib.