Futbol üzrə Latviya Birinci Liqasında 2-ci turun oyunları keçirilib.
Futbolinfo.az xəbər verir ki, azərbaycanlı futbolçu Vüqar Əsgərovun formasını geyindiyi “Dauqavpils” də növbəti matçına çıxıb. Sözügedən kollektiv səfərdə “Qrobinas”la qarşılaşıb. Futbolçumuzun komandası bu oyundan qələbə ilə ayrılıb – 4:2.
Vüqar da bu görüşün iştirakçısı olub. O, start heyətdə meydana çıxıb və sonadək oynayıb. Komandasının üçüncü qolunu da 64-cü dəqiqədə məhz Əsgərov vurub. Bu, onun artıq yeni mövsümdə vurduğu ikinci qoldu.
“Dauqavpils” iki turdan sonra 6 xalla daha 3 komanda ilə birgə zirvəyə şərikdi.