Almaniyanın “Ayntraxt” klubunun U-19 kollektivi gənclər arasında təşkil olunan Bundesliqanın cənub zonasında növbəti matçına çıxıb.
Futbolinfo.az xəbər verir ki, frankfurtlular 25-ci tur çərçivəsində doğma meydanda “Unterhaqxinq”lə qarşılaşıblar. Matç “Ayntraxt”ın qələbəsi ilə başa çatıb – 3:2.
“Ayntraxt”dan intizamsızlığına görə kənarlaşdırılan Renat Dadaşov artıq komandasına kömək etmir. Frankfurt klubunda çıxış edən digər futbolçumuz Murad Mahmudov da bu görüşün iştirakçısı olmayıb.
Keçirdiyi 25 matçdan sonra aktivində 27 xal olan “Ayntraxt” turnir cədvəlinin 11-ci pilləsində qərarlaşıb.