Futbol üzrə Hollandiya ikinci liqasında 15-ci turun oyunları keçirilib.
Futbolinfo.az xəbər verir ki, Azərbaycanın gənclərdən ibarət yığmasının üzvü Ziya Əzizovun formasını geyindiyi “NEK Neymegen” də növbəti matçına çıxıb.
Sözügedən kollektiv səfərdə "Valveyk"lə üz-üzə gəlib. Roland Berqkampın 37-ci dəqiqədə vurduğu yeganə qol meydan sahiblərinə qələbə qazandırıb.
Ziya bu görüşün iştirakçısı olmayıb. Onun adı matçın iştirak ərizəsinə daxil edilməyib.
“NEK Neymegen” hazırda 22 xalla 20 iştirakçı arasında 10-cu pillədə qərarlaşıb.