“Səbail” Qazaxıstan “Tobol”una keçən Emil Balayevin əvəzinə 3 qapıçını gözdən keçirir.
Futbolinfo.az xəbər verir ki, menecerlər tərəfindən onlara ukraynalı Aleksandr Rıbka, rusiyalı Artyom Leonov və serbiyalı Nikola Mitroviç təklif olunub.
Kiyev "Dinamo"su və Donetsk "Şaxtyor"unun sabiq qolkiperi Rıbka hazırda Türkiyənin I Divizionunda “Afyonspor”da çıxış edir.
O, əvvəllər Ukrayna yığmasında da forma geyinib. Son klubu Rusiya “Xaborovsk”ı olan Leonov hazırda işsizdir. Mitroviç isə vətənində “Borats”ın formasını geyinir.