Futbol üzrə AÇ-2020-nin seçmə mərhələsində 3-cü tura yekun vurulub.
Futbolinfo.az xəbər verir ki, sonuncu oyun günündə 13 qarşılaşma baş tutub.
Azərbaycan milli komandası da bu gün turnirdə 2-ci oyununa çıxıb. Nikola Yurçeviçin rəhbərlik etdiyi kollektiv Macarıstanı qəbul edib və növbəti məğlubiyyətinə üzülüb. Qrupun digər matçında isə Uels səfərdə Xorvatiya ilə qarşılaşıb. Xorvatlar bu görüşdə qələbə qazanıblar.
C qrupunda Almaniya səfərdə Belarus üzərində inamlı qələbəyə sevinib. Estoniya isə doğma meydanda Şimali İrlandiya ilə münasibətlərinə aydınlıq gətirib və meydanı məğlub tərk edib.
Turun maraqla gözlənilər qarşılaşmasında son dünya çempionu Fransa səfərdə Türkiyə ilə qarşılaşıb. Hər iki komanda turnir çərçivəsində keçirdiyi iki oyunda qələbə qazanmışdı. Liderlərin duelində “ay-ulduzlular” tarixi qələbəyə imza atıblar.
İtaliya yığması isə səfərdə Yunanıstan üzərində darmadağına sevinib.
AÇ-2020-nin seçmə mərhələsi
8 iyun
C qrupu
Estoniya – Şimali İrlandiya 1:2
Qol: Vassilyev, 25 – Vaşinqton, 77. Magennis, 80.
Belarus – Almaniya 0:2
Qol: L.Sane, 13. M.Roys, 62.
E qrupu
Xorvatiya – Uels 2:1
Qol: Laurense, 17-öz qapısına. Perişiç, 48 – Bruks, 77.
Azərbaycan – Macarıstan 1:3
Qol: Mahir Emreli, 69 – Villi Orban, 18; 53. David Holman, 71.
H qrupu
İslandiya – Albaniya 1:0
Qol: Qudmundsson, 22.
Moldova – Andorra 1:0
Qol: Armas, 8.
Türkiyə – Fransa 2:0
Qol: K.Ayhan, 30. C.Ünder, 40.
I qrupu
Rusiya – San Marino 9:0
Qol: Çevoli, 25-öz qapısına. Dzyuba, 31-pen; 73; 76; 88. Kudryaşov, 36. Mirançuk, 41. Smolov, 77; 83.
Belçika – Qazaxıstan 3:0
Qol: Mertens, 11. Kastanye, 14. Lukaku, 50.
Şotlandiya – Kipr 2:1
Qol: E.Robertson, 61. Berk, 89 – Kusulos, 87.
J qrupu
Ermənistan – Lixtenşteyn 3:0
Qol: Qazaryan, 2. Karapetyan, 18. Barseqyan, 90.
Finlandiya – Bosniya və Herseqovina 2:0
Qol: Pukki, 56; 68.
Yunanıstan – İtaliya 0:3
Qol: Barella, 23. İnsinye, 30. Bonuççi, 33.