"Barselona" rəhbərliyi əsas qapıçı Viktor Valdesin zədələnməsindən sonra yeni qapıçı axtarışına çıxıb. Futbolinfo.az xəbər verir ki, qolkiperin mövsümü erkən bitirməsi Kataloniya təmsilçisini pis vəziyyətdə qoyub.
Ehtiyat qolkiper Xose Pintonun da yaşlılığı və formada olmaması vəziyyəti ürəkaçan etmir. Bundan əlavə, 38 yaşlı qapıçı kürəyindəki ağrılardan tez-tez şikayətlənir.
Belə olan halda klub rəhbərliyi mütləq yeni qapıçı almağı qərarlaşdırıb.