"Qəbələ"nin müdafiəçisi Elnur Allahverdiyev Topaz Premyer Liqasının 28-ci turunun "Qarabağ"la oyununu şərh edib. Futbolinfo.az saytına müsahibəsində o, 0:3 hesabıyla uduzduqları qarşılaşmadan sonra bunları söyləyib:
"Qəbələ"nin legionerləri düz-əməlli futbol oynamırlar. Ona görə meydanda etiraz bildirirdim. Hamı meydana çıxıb futbol oynamalıdı. Amma bizim legionerlər meydanda istirahət edir. Siz mənə deyin, onlar futbol oynayırlar? Bilmirəm niyə belə oldu, bu duruma düşdük. Ola bilsin, "Qəbələ"də qruplaşma var. Amma mən deyə bilmərəm. Sadəcə, bir futbolçu kimi, nəticələr məni qane etmir".