"Barselona"nın baş məşqçisi Xerardo Martino Çempionlar Liqasının 1/4 finalında "Atletiko" ilə oyun öncəsi mətbuat konfransı keçirib. Futbolinfo.az xəbər verir ki, çalışdırıcı görüş haqda bunları deyib:
"Meydana qələbə qazanmaq və qapımızdan qol buraxmamaq üçün çıxacağıq. Bunu bacarsaq, cavab qarşılaşmasını rahat oynaya biləcəyik. Əks-hücumlarda diqqətli olmalıyıq. Məncə, qol epizodlarının çox olacağı bir matç olmayacaq. Özümüzə güvənirik. Arda və İnyesta komandanın ehtiyacı olan oyunçulardı. Onlar çox vaxt başqalarının bacara bilmədiyi şəkildə oyunu idarə edirlər".