Azərbaycan teleməkanında qısa zamanda populyarlıq qazanan "TOP TOP" verilişi növbəti buraxılışı ilə tamaşaçıların görüşünə gəlib. Futbolinfo.az xəbər verir ki, hər həftənin bazar ertəsi CHATBOX kanalında canlı yayımlanan "TOP TOP"un bu sayı da Azərbaycan futbolunda baş verən ən maraqlı hadisələrə həsr olunub. Proqramın bu dəfəki qonaqları əməkdar məşqçi Ağasəlim Mircavadov, ürəyi hər zaman "Xəzər Lənkəran"la döyünən Aydın Lətifov, "Neftçi"nin çılğın azarkeşi Firudin Rzayev və daimi ekspert Elnur Əşrəfoğlu olub. "TOP TOP"da Azərbaycan futbolunun hazırkı durumu müzakirə edilib, Topaz Premyer Liqasının oyunlarından söhbət aparılıb. "Neftçi" – "Xəzər Lənkəran" matçı və bakılıların prezidenti Sadıq Sadıqovun son müsahibəsi proqramın əsas müzakirə mövzuları olub. "Qəbələ" klubunun uğursuz çıxışı və komandanın futbolçularının hərəkətləri ilə bağlı qonaqlar sərt açıqlamalar veriblər. Verilişin aparıcısı Seyran Babayev olub. Bir sözlə teleməkanın maraqlı futbol proqramını izləməyə dəyər. Verilişin videoyazısını sizə təqdim edirik: