“Çox pis oyun keçirdik” – Nağıyev

“Çətin səfərə yollanmışdıq. Qələbə qazanmaq istəyirdik, amma alınmadı. Heç cür öz oyunumuzu göstərə bilmədik. Çox pis matç keçirdik. Bunu unudub növbəti qarşılaşmaya hazırlaşmalıyıq” – bu sözləri futbolinfo.az-a açıqlamasında “Səbail”in müdafiəçisi Adil Nağıyev deyib.

O, Azərbaycan Premyer Liqasının 19-cu turunda “Şamaxı”ya 1:2 hesabı ilə uduzduqları matçdan danışıb. Nağıyev önə keçdikləri qarşılaşmada uduzmaqlarının səbəbini açıqlayıb: “İlk hissədə pis təsir bağışlamadıq. Amma ikinci yarıda rəqib daha çox hücum edirdi. Komandada sanki gərginlik var idi. Rəqib hesabı bərabərləşdirdikdən sonra oyunçularda psixoloji düşüş oldu. Bunun nəticəsi kimi oyundan qopduq. Məğlub olmuşuq, çətindir. Çox danışmaq olar, amma növbəti matçlar var. Bir qələbə komandanı çox dəyişəcək”.

Təcrübəli futbolçu qarşıdakı turda “Kəpəz”ə qarşı keçirəcəkləri oyundan da söz açıb: “Toparlanmalıyıq, mütləq “Kəpəz”i məğlub etməliyik. Başqa şansımız yoxdur. Düzdür, bu futboldur, amma hər kəs meydanda canın qoysa, qalibiyyət istəsə, qələbə bizim olacaq.

Xatırladaq ki, Adil mövsümün ilk yarısını icarə əsasında “Şamaxı”da keçirib. “Səbail” müqavilə ilə ona məxsus olan futbolçunu qış fasiləsində geri qaytarıb.