Macarıstanda “Sevilya” ilə “Roma”sı arasında keçirilmiş Avropa Liqasının final oyununu idarə edən ingiltərəli baş hakim Entoni Teylor hücuma məruz qalıb. Hadisə Budapeşt hava limanında baş verib.
İtaliyalı fanatlar FIFA referisinin əleyhinə şüarlar səsləndiriblər. Ardınca isə tərəfdarlar Teylor və yaxınlarına fiziki təzyiq göstərməyə çalışıblar. Polis insidentin böyüməsinə imkan verməyib.
Qeyd edək ki, görüşün əsas və əlavə vaxtı 1:1 hesablı heç-heçə ilə başa çatıb. Penaltilər seriyasında daha dəqiq oynayan “Sevilya” tarixində 7-ci dəfə titula sahib çıxıb. Entoni Teylor oyun ərzində “Roma”nın əleyhinə bəzi mübahisəli qərarları ilə yadda qalıb.
