Digər idman növləri
Hər iki seriyada hesab 2:1 oldu

MBA-da bu gecə 2 oyun keçirilib. İlk oyunda ev üstünlüyünü əldən verən “Boston Seltiks” “Filadelfiya Siksers”lə səfərdəki ilk qarşılaşmada özünü favorit kimi göstərib.
Coel Embidin yoxluğunda qalib gəlməyi bacaran filadelfiyalılar mövsümün MVP-sinin qayıdışından sonra ardıcıl ikinci dəfə məğlub olublar. Boston komandasının heyətində keçən görüşdə qeyri-məhsuldarlığı ilə yadda qalan Ceyson Teytum bu dəfə 27 xal toplayıb. Komandanın əsas snayperlərindən olan Braun da görüşü yüksək səviyyədə keçirib. Filadelfiya komandasında Embidlə bərabər Harden də dabl-dabl edib. Lakin Ceymsin məhsuldarlığı elə də yaxşı olmayıb.
Maraqlıdır ki, seriyanın ilk oyununda 45 xal toplayan Hardenin sonrakı iki görüşdə 28 cəhddən yalnız 5 dəqiq atışı var. “Seltiks”in baş məşqçisi də oyun sonrası mətbuat konfransında “Filadelfiya Siksers”in pleymeykerinə qarşı xüsusi hazırlıq işi gördüklərini dilə gətirib. Bu qələbədən sonra (112:104) “Boston Seltiks” seriyada önə keçib – 2:1.
Gecənin digər qarşılaşması Qərb konfransında olub. Denverdəki ilk 2 oyunda məğlubiyyətlə üzləşən “Finiks Sans” ilk ev oyununda qalib gəlib.
Qazanılan qələbədə ən böyük pay Buker və Dürantın üzərinə düşür. Buker görüşü 47 xalla tamamlayıb. Dürantın isə aktivində 39 xal, 9 ribaund və 8 assist var. O, MBA tarixində play-offlarda ən çox xal toplayanların siyahısında 7-ci yerə yüksəlib. Qonaq komandada Mürrey 32, Nikola Yokiç isə 30 xal toplayıb.
Bu qələbədən (121:114) sonra finikslilər seriyada fərqi minimuma endiriblər – 1:2. Qarşıdakı oyun da “Sans”ın meydançasında keçiriləcək.

- Ölkə futbolu2023-05-25 08:30
Şeydayev kəndlilərin komandasında: növbəti uğurlu azad agent ovu
- Ölkə futbolu2023-05-24 15:45
“Qarabağ” üçün maraqlı xəbər: Lunyov Rusiyaya qayıtmayacaq
- I Divizion2023-05-25 15:39
AFFA rəhbərliyinin səbəbkar olduğu bataqlıq: stimulu qumarda tapanlar
- I Divizion2023-05-26 08:30
MOİK Diviziondan uzaqlaşdırıla bilər