Digər idman növləri
İlk mərhələdə Nadal – Zverev görüşü
Tennis üzrə “Rolan Qarros” turnirinin püşkü atılıb. Elə ilk mərhələdə çox maraqlı bir oyun olacağı məlum olub. Püşk nəticəsində Rafael Nadalla Aleksandr Zverev 1/64 final mərhələsində qarşılaşacaqlar.
Qeyd edək ki, Zverev torpaq kortda son “Masters” turnirinin qalibidir. O burada qələbəyə əsas favorit sayılır. Rafael isə turnirin 14 qat qalibidir.
Novak Cokoviçin ilk mərhələdə rəqibi kvalifikasiyadan gələn Herbert olacaq. Əgər favortilər qalib gələrsə, ¼ final mərhələsində Cokoviç – Ruud görüşü olacaq. Keçən il finalda məhz bu tennisçilər üz-üzə gəlmişdilər.
Yannik Sinneri ilk mərhələdə Kristofer Ebanks gözləyir. Karlos Alkaras isə kvalifikasiyadan gələn idmançı ilə qarşılaşacaq.
Xatırladaq ki, turnirə bazar günü start veriləcək.