“Los-Anceles Leykers” bu uğurunu əbədiləşdirdi

Bir neçə gün əvvəl başa çatan mövsümdaxili turnirdə “Los-Anceles Leykers” komandası çempion olmuşdu.

İlk dəfə keçirilən turnirdə qələbədən sonra hər kəsdə maraq doğuran əsas suallardan biri, bu hadisəni arenada əbədiləşdirmək idi. Belə ki, MBA-da komandalar çempionluq mövsümlərinin şərəfinə doğma arenalarında xüsusi banner yerləşdirir.

Bu suala nəhayət ki, dünən cavab verilib. “Nyu-York Niks”lə qarşılaşmadan əvvəl qazanılan çempionluğun şərəfinə banner qaldırılıb. Bu münasibətlə oyundan əvvəl təntənəli mərasim də təşkil edilib.

Xatırladaq ki, cari mövsümdə Lebron Ceymsin komandası 26 oyundan 15-də qalib gələrək 8-ci pillədə qərarlaşıblar.