Dünya futbolu
Paytaxt klubu iki futbolçusunu icarəyə verdi
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
İtaliyanın “Roma” klubu iki futbolçusunu icarəyə göndərib.
Futbolinfo.az xəbər verir ki, A Seriyası təmsilçisi Karles Peresi “Selta”ya, Qonsalo Vilyarı isə “Sampdoriya”ya icarəyə verib.
Bu barədə klubun rəsmi saytı məlumat yayıb. Hər iki futbolçu 2022/23 mövsümünün sonunadək icarəyə verilib. Tərəflər arasındakı müqavilədə satınalma şərti də nəzərdə tutulub. Bir mövsümlük icarə üçün “Roma”ya 1 milyon avro ödəyən “Selta” Karles Peresi birdəfəlik almaq istəsə, əlavə 11 milyon avrosundan keçməli olacaq. “Sampdoriya” isə Qonsalo Vilyarın birdəfəlik transferi üçün 8 milyon avro ödəməlidir.
Xatırladaq ki, Karles Peres 2020-ci ildə yetirməsi olduğu “Barselona”dan “Roma”ya keçib. İspaniyadan olan 24 yaşlı vinger, “canavarlar”ın heyətində keçirdiyi 3 mövsüm ərzində 75 oyuna çıxıb, 8 qola imza atıb. İspaniyanın aşağı yaş qrupları üzrə yığmalarında da oynamış yarımmüdafiəçi, “Barselona”nın əsas komandasında 13 oyunda 2 qolla yadda qalıb.
Qonsalo Vilyar da İspaniyadandır. 24 yaşlı yarımmüdafiəçi də 2020-ci ildən “Roma”da çıxış edirdi. O, bu komandada 3 mövsüm ərzində 64 oyuna çıxıb, cəmi 1 məhsuldar ötürmə müəllifi olub. İtaliya klubu yarımmüdafiəçini bu ilin əvvəlində “Xetafe”yə də icarəyə vermişdi. Daha öncə “Elçe” və “Valensiya”da da oynamış Vilyar, İspaniyanın əsas millisində 1 oyuna çıxıb.
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
- Ölkə futbolu2024-07-20 09:00
Klublarımızın yay transferləri – YENİLƏNİR
- Ölkə futbolu2024-07-19 19:38
Premyer Liqa və ölkə kubokunda yeni mövsümün təqvimi açıqlandı
- Ölkə futbolu2024-07-19 17:00
Klublarımızın Konfrans Liqasındakı ilk oyunlarının hakimləri açıqlandı
- Milli komanda2024-07-19 16:45
“Ən güclü rəqib bizə düşdü” – Millimizin baş məşqçisi