Braziliyanın “Qremio” klubunun hücumçusu Luis Suares “İnter Mayami”yə keçməyə hazırlaşır. Belə bir xəbər Lionel Messinin Amerika komandasına keçidi ilə bağlı məlumatlardan sonra ortaya çıxıb.
Messi və Suares əvvəllər “Barselona”da birlikdə çıxış ediblər. İndi onların yenidən tandem təşkil etməsi maraqlı olar.
Suaresin Braziliya komandası ilə müqaviləsi 2024-cü ilə qədərdir. “Barselona”dan ayrıldıqdan sonra o, “Atletiko”da, vətəni Uruqvayda “Nasional”da da oynayıb. Messi isə İspaniyadan getdikdən sonra iki il PSJ üçün tər töküb. Lionelin ABŞ-a köçməsindən sonra Luis “Qremio” ilə vidalaşaraq MLS-ə keçə bilər.