Tuhel Münhenə titullar üçün gəlib

“Bayern”in baş məşqçisi Tomas Tuhel debüt oyununa hazırlaşır. Alman mütəxəssis ilk oyundaca lider Dortmund “Borussiya”sını yenib komandanı zirvəyə qaytarmaq vəzifəsini yerinə yetirməlidir.

Tuhel bu gün keçirdiyi mətbuat konfransında matçın önəmindən danışıb: “Bundesliqa və bizim üçün önəmli matçdır. Komanda olaraq matça hazır olmalıyıq. Oyunçular belə duruma alışıb, bacaracağımıza ümid edirəm. Həmişə çempionluq üçün savaşmalıyıq”.

Çalışdırıcı heyətdən məmnundur: “Burada hər zaman məşqçisi olmaq istədiyim çoxlu oyunçu var. İnanılmaz dərəcədə enerjiliyik və sabahı həyəcanla gözləyirik”.

Tuhel payızda “Çelsi”dən qəfil ayrılmasına da aydınlıq gətirib: “Həmin an şok olmuşdum. Toplantı səhər 8.00-da başladı və 3-5 dəqiqə davam etdi. Hamımız doğru yolda irəlilədiyimizi və komanda quruculuğuna davam edəcəyimizi düşünürdük. Ancaq indi bunlar geridə qalıb və Münhendəyik”.