Ölkə futbolu
Həvəskarlar liqasındakı kütləvi intizamsızlığa AFFA-dan sərt cəzalar
AFFA İntizam Komitəsinin növbəti iclası keçirilib. Fut…
AFFA İntizam Komitəsinin növbəti iclası keçirilib. Futbolinfo.az xəbər verir ki, aparılan müzakirələrdən sonra aşağıdakı qərarlar çıxarılıb:
28 may 2014-cü il tarixdə Həvəskarlar arasında keçirilən Azərbaycan birinciliyinin “Binə” – “Çağırğan” oyununun 113-cü dəqiqəsində “Binə”nin futbolçusu Tarıverdiyev Cavid rəqibə bilərəkdən başla zərbə endirdiyinə görə birbaşa qırmızı vərəqə ilə cəzalanıb. Bu hadisədən sonra oyunun 114-cü dəqiqəsində “Binə”nin azarkeşləri meydana daxil olub və “Çağırğan” klubunun futbolçularına hücüm ediblər. Buna cavab olaraq “Çağırğan” klubunun azarkeşləri də meydana daxil olub və tərəflər arasında insident yaşanıb. Hakimin, polisin və AHFF-in nümayəndələrinin səyi nəticəsində 8 dəqiqəlik məcburi fasilədən sonra oyun bərpa edilib. Oyunsonrası mükafatlandırma mərasimində “Binə” klubunun bəzi futbolçuları onlara təqdim olunan medalları etiraz əlaməti olaraq azarkeşlərə tərəf atıblar.
1. “Binə” komandası AHFF-nin keçirdiyi 16-cı Ölkə Kuboku yarışlarından kənarlaşdırılsın.
2. “Binə” komandası AHFF-nin 2014/2015-ci illər mövsümündə keçiriləcək 17-ci Ölkə birinciliyi və Kuboku yarışlarından kənarlaşdırılsın.
3. “Binə” klubunun baş məşqçisi Məmmədəli Ağatalıbov növbəti bir il ərzində AFFA-nın bayrağı altında keçirilən bütün yarışlarda məşqçi kimi fəaliyyətinə qadağa qoyulsun.
4. “Çağırğan” komandası AHFF-nin 2014/2015-ci illər mövsümündə keçiriləcək 17-ci ölkə birinciliyinin 3 təqvim oyununu neytral meydanda boş tribunalar qarşısında keçirsin.
5. 28 may 2014-cü il Həvəskarlar arasında keçirilən Azərbaycan birinciliyinin “Binə” – “Çağırğan” matçının 62-ci dəqiqəsində “Binə”nin futbolçusu Musayev Vüqar sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb.
6. Oyunun 113-cü dəqiqəsində “Binə”nin futbolçusu Tarıverdiyev Cavid rəqibə bilərəkdən başla zərbə endirdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyun cəzalanıb.
1 iyun 2014-cü il Həvəskarlar arasında Azərbaycan birinciliyinin “Viləş” – “Səhliyalı” matçının 88-ci dəqiqəsində “Səhliyalı” klubunun futbolçusu Babayev Ramil öz baş məşqçisini təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyun cəzalanıb.
30 may 2014-cü il futzal üzrə Həvəskərlar birinciliyinin “Azərcell” – “Zirvə” matçının 24-ci dəqiqəsində “Azərcell”in futbolçusu Fuad Rzayev hakimə qarşı fiziki təsir göstərməyə cəhd etdiyinə görə birbaşa qırmızı vərəqə alaraq meydandan kənarlaşdırıldığı üçün 5 oyun cəzalanıb. Oyunun 37-cı dəqiqəsində “Zirvə”nin futbolçusu Qeyrət Əliyev və “Azercell”in futbolçusu Fəyyaz Hüseynov, oyunun 38-ci dəqiqəsində “Zirvə”nin futbolçusu Səid Seyidov rəqibi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün hər bir oyunçu 3 oyun cəzalanıb. Oyunun 40-cı dəqiqəsində “Zirvə”nin futbolçusu Fərdi Rəhimli hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyun cəzalanıb. (AFFA)
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…