Ölkə futbolu
Yarımfinal haqda kim nə dedi?
Dünən DÇ-2014-ün yarımfinalında baş tutan Holland…
Dünən DÇ-2014-ün yarımfinalında baş tutan Hollandiya – Argentina (0:0) matçından sonra baş məşqçilərlə yanaşı futbolçular və digər mütəxəssislər də fikirlərini bildirib. Futbolinfo.az yadda qalan ən mühüm açıqlamaları təqdim edir:
Qonzalo İquayn, Argentina millisinin hücumçusu: “Heç bir rəqibdən qorxmuruq. Hamısına hörmətlə yanaşırıq. Düşünürəm ki, Almaniya Argentinanın finala çıxmasından narahat oldu. Qarşımızda sadəcə bir oyun qalır. Qalan başqa şeylər önəm daşımır. Hər kəs qələbə üçün meydanda sonadək mübarizə aparacaq".
Serxio Romero, Argentina millisinin qapıçısı: "Penaltilər seriyasında şanslı olan komanda qələbə qazanır. Özümə çox güvənirdim. Rəqibin iki futbolçusunun zərbəsini dəf edərək komandamın finala yüksəlməsində pay sahibi olduğum üçün çox sevinirəm. Sabahdan final matçının hazıqlıqlarına başlayacağıq. Bu komanda dünya çempionu adını qazanmağa layiqdi. Çox vaxt yarımfinalda uduzurduq. Bu dəfə finala qədər yüksəldik. Artıq kuboku da qazanmalıyıq".
Uesli Sneyder, Hollandiya millisinin yarımmüdafiəçisi: "Çox məyusuq. Ancaq komandam finala çıxmağa layiq idi. Biz matçın taleyini daha öncə həll etməli idik. Lakin penaltilər seriyasını yalnız bir komanda istəyirdi – Argentina. Penalti zərbəsini yerinə yetirə bilmədim. Məsuliyyəti üzərimə götürürəm. Ancaq bu futboldu. Penaltilər seriyasını heç sevmirəm".
Dieqo Armando Maradona, Argentina millisinin sabiq üzvü: “Bu qələbə Argentina millisinin nüfuzunu geri qaytardı. Alexandro Sabelya yaxşı plan qurmuşdu. Argentina yaxşı oynamadı, ancaq rəqibin də nəsə etməsinə imkan vermədi. Finalda Almaniyanı məğlub etmək mümkünsüz deyil. Məncə, bunu bacararıq”.
Serxio Aquero, Argentina millisinin hücumçusu: "Finala yüksəlmək bizim üçün böyük uğurdu. Çoxları bizə inanmırdı. Ancaq biz bunu bacardıq. Futbolçular hər zaman nəyə qadir olduqlarını yaxşı bilirlər”.
Yoahim Löv, Almaniya millisinin baş məşqçisi: "Finalda Avropa komandası Cənubi Amerika təmsilçisinə qarşı oynayacaq. Rəqib güclü komandadı. Onların heyətində Lionel Messi və Qonzalo İquain kimi futbolçular çıxış edir. Bu oyuna yaxşı hazırlaşacağıq".