Milli komanda
Milli milli olana qədər…
Bu gün futbol üzrə Azərbaycan yığma komandası AÇ…
Bu gün futbol üzrə Azərbaycan yığma komandası AÇ 2016-nın seçmə mərhələsinin ilk oyununda Bolqarıstanla qarşılaşacaq. Futbolinfo.az xəbər verir ki, "Bakcell Arena"da baş tutacaq qarşılaşmada bir sıra fan-klublar da yığmaya dəstək verəcək.
Ancaq milliyə dəstək verməyəcək fan-klublar da var. Keçirdiyimiz sorğu nəticəsində bəlli oldu ki, azarkeşlərin əksəriyyəti millidə legioner futbolçuların oynaması ilə yanaşı, Berti Foqtsun da komandaya rəhbərlik etməsindən narazıdı.
"Qarabağ"a fanatlıq edən "İmarət" azad azarkeş qrupunun rəhbəri Yusif Rüstəmli "axşamkı oyunda yığma komandaya dəstək verəcəksizmi" sualına qısa cavab verdi: "Milli milli olana qədər onlara heç bir dəstək verməyəcəyik. Televiziya vasitəsi ilə matça baxsaq, böyük işdi".
"Xəzər Lənkəran" fanatları da demək olar ki, eyni fikirdədi. "Caspian Ultras"ın rəhbəri Ramal Novruzov da milliyə Berti Foqtsun rəhbərlik etməsindən narazıdı: "Biz daha əvvəldə qeyd etmişik ki, nə qədər yığmaya Berti Foqts rəhbərlik edir, heç bir oyuna getməyəcəyik. Milliyə azərbaycanlı məşqçinin rəhbərlik etməsini istəyirik. Bu, Qurban Qurbanov da ola bilər. O, olmasa da belə, əsas odu ki, yığma yerli məşqçilərə tapşırılsın. Ola bilsin ki, qarşılaşmaya fərdi olaraq gedək".
"Qarabağ" və "Xəzər Lənkəran" fanatlarından fərqli düşünən azarkeşlər də var. Belə ki, Türkiyənin "Qalatasaray" klubun ölkəmizdəki azarkeşləri axşam tribunalarda öz yerlərini alacaq. Bu barədə "UltrAslan Azərbaycan" fan-klubun rəhbəri Mürşüd Məmmədzadə bildirib: "Axşamkı qarşılaşmada tribunada öz yerimizi alacağıq. Qarşılaşma zamanı Azərbaycanda hələ gerçəkləşdirilməyən bir göstəri olacaq. Bu oyunla bağlı çox iş görmüşük. Onu da deyim ki, bileti öz vəsaitimiz hesabına əldə etmişik".
Uzun zamandı fəaliyyət göstərən "Sector 11" də millimizə dəstək verəcək. Saytımıza danışan fan-klubun rəhbəri Atanur Cəfərli bunları bildirib: "Hər zaman olduğu kimi bu qarşılaşmaya da xüsusi hazırlaşmışıq. "Sector 11" olaraq 200 nəfər azarkeşlə yığmaya dəstək verəcəyik".
Maraq üçün bildirək ki, "Simurq" azarkeşləri də millini dəstəkləmək üçün Zaqataladan Bakıya gəlir. Onlar sosial şəbəkələrdə etdikləri paylaşımlarla millidən yalnız qələbə gözləyirlər.
Qeyd edək ki, qarşılaşma 21:00-da başlayacaq.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…